ᲞᲠᲝᲔᲥᲢᲘ - ᲒᲐᲮᲓᲘ ᲡᲐᲜᲢᲐ 2026

უკვე მეორე წელია სოკარში ხორციელდება პროექტი “გახდი სანტა”. ჩვენმა გუნდმა კვლავ იზრუნა პატარების, მოხუცებისა და შშმ პირების საახალწლო სურვილების ასრულებაზე.

სათავო ოფისის პირველ სართულზე  განთავსდა სურვილების დაფა, სადაც  გამოქვეყნებული  იყო 138 საახალწლო ნატვრა.

ამ წელს ბათუმის, ოზურგეთის, წყალტუბოსა და ნინოწმინდის ბავშვთა სახლებში, ურეკში მდებარე შშმ პირთა ოთხ თავშესაფარსა და ნასაგურში არსებულ მოხუცთა თავშესაფარში მყოფ 138 ბენეფიციარის საახალწლო სურვილები ყველამ ერთად ავუსრულეთ.

სანტებს, პროექტში ჩართულობისთვის, გადაეცათ სიმბოლური საჩუქრები - 2026 წლის კალენდარი და პროექტის იდეით შთაგონებული საახალწლო სტიკერები.

ასევე, სოკარმა უზრუნველყო ბენეფიციარებისთვის ტკბილეულის შეძენა და საჩუქრების დარიგებისთვის გამოყო 500 ლიტრი საწვავი. 

სოკარის გუნდი ტრადიციისამებრ ერთად დგავს იმ პატარა ნაბიჯებს, რომელიც დიდი ბედნიერების მიზეზი ხდება.